ياجماعة احنا كنا بدانا حملة للنشاط والحيوية والصحة
والحمد لله ملقناش أى تعاون لكن أكيد الكل كسلان ومش لاقى
وقت يفكر فية فى صحتة لكن دائما العقل السليم فى الجسم السليم
وان شاء الله هبدأ أكتب أنظمة غذائية مدروسة من استشارى تغذية
ونكمل فيها على خير وتناسب ظروفنا اليومين دول من فيروسات وعدوى
وربنا خير الحافظين
على بركة الله نبدأ اول نظلم بعد رمضان والعيد والكحك وياريت نلتزم بترتيب الانظمة
الفطار :
ــــــــــــــــــــــــــــــــــــــــــــــــــــــــ
2كوب ماء قبل الفطار
كوب شاى باللبن او نسكافية باللبن منزوع الدسم + ملعقة عسل نحل + شريحة جبنة شيدر او فلامنك او جودة
+ 2 توست سن
الغذاء :
ــــــــــــــــــــــــــــــــــــــــــــ
اليوم الاول : مفتـــــــــــــــــــــــــــوح
اليوم الثانى : ربع دجاجة مشوية او مسلوقة + خضار + 4 ملاعق ارز + سلطة
اليوم الثالث : شريحة لحم مشوية + سلطة + خضروات + 4 ملاعق ارز
اليوم الرابع : تونة + رغيف سن + سلطة
اليوم الخامس :نصف كيلو سمك مشوى + 4 ملاعق ارز + سلطة
اليوم السادس : ربع دجاجة + ربع كيلو بطاطس + سلطة
اليوم السابع : تونة + رغيف سن + سلطة
العشاء :
ــــــــــــــــــــــــــــــــــــــــ
كوب زبادى + 2 ثمرة فاكهة
النظام للاوزان من 60 ل 90
من فوق الوزن المذكور يزيد من ملاعق الرز 8 بدل 4
والفاكهة اقصى حد 4 ثمرات
والفواكة الممنوعة ( الموز _ المانجة _ العنب _ البلح _ التين )
ومعلومات غذائية لزيادة ورفع المناعة لتصدى لهجوم الفيروسات والعدوى عليناعليك بالاكثار من شرب عصير الليمون والالتزام بة يوميا
واكل الكيوى والجوافة كلها فواكة تزيد من المناعة
والتونة والسلمون تزيد من رفع المناعة
والطماطم يعنى طمطماية كاملة على السلطة مش نعملها مسبك تزود السعرات
وأكل البصل والثوم مطهر عام من اول الفم الى المعدة
والقليل القليل من الشطة لتطهير القولون وليس الكثير وممنوعة على مريض المعدة والبواسير
كل هذة المعلومات من استشارى التغذية بهاء ناجى واتمنى للجميع السلامة والصحة
انتظرونى فى الاسابيع التالية
--------------------
الصمت أفضل من سراديـــــــــــــب السؤال!!!!!
[ندعوك للتسجيل في المنتدى أو التعريف بنفسك لمعاينة هذا الرابط]
الرئيسية
